Koncentrasaun aditivu Nalco 2000, Drewgard 4109 no kuantidade dozajen

Ezisti aditivu oioin hodi halo tratamentu ba be'e refrijerasaun motor maibe nia aplikasaun hanesan. Aditivu kimika ne'ebe sei kolia liu iha artikel ida ne'e mak Nalco 2000 no Drewgard 4109. 

Aditivu hirak ne'e nia nitritus 'nitrite' a'as tebes ho nia funsun hodi proteje sistema refrijerasaun motor kontra korosaun tamba kavitasaun, erosaun, depósitu eskala mineral no elektrolize. Liu tan ida ne'e aditivu mos dezain hodi;

• Proteje feru cor 'cast iron' , tahu 'sludge' 
• Prevene  manas asliu 'overheating' , 
• Efetivu hasoru kuak ki'ik 'liner pitting'  , erozaun kavitasaun, 
• La prejudika ka la estraga radiador ka akecedor 'heater' , koneksaun mangeira, selus 'seal' linna motor no kadeli 'ring' 'o' 
• Funciona nudar pelikula 'film' protektor korosaun inibidor 
• Mantein motor mos no livre husi eskala
• Reduz tempu para 'downtime' no kustu 'cost' manutensaun. 

Molok halao servisu ho produtu kimika hirak ne'e presiza hare mos manual ka matadalan MSDS 'material safety data sheet' tuir tipu produtu kimika ne'ebe mak atu utiliza, nune'e labele prejudika ita nia a'an rasik no ekipamentu. Be'e ne'ebe rekomenda hodi halao misturasaun iha sistema refrijerasaun motor mak be'e tratadu. Be'e tratadu katak be'e ne'ebe liu ona husi sistema tratamentu ida hanaran tratamentu be'e 'water treatment' . 

Drewgard 4901

Hanesan ita hare'e iha tabela letenba, hasae ppm nitritus atus ida (100 ppm NO2) presiza aditivu Drewgard 4901 litru sanulu resin sia (19 liters), signifika rasio koncentrasaun Drewgard 4901 ho be'e tratadu hetan 0.19 ltrs/ppm. Valor limitasaun nitritus iha be'e refrijerasaun motor minimu 920 no maximu 1200 ppm NO2.

Nalco 2000
Dozajen entre Nalco 2000 ho be'e tratadu  hetan 1:32 ho nia limitasaun minimu 1200 no maximu 1500 ppm NO2. Wainhira kapasidade be'e refrijerasaun motor sanulu resin rua metru kubiku (12 m3), total inisiu aditivu Nalco 2000 presiza 375 ltrs hodi hasae valor nitritus hahu husi 0 ppm to 1500 ppm NO2. Signifika rasio koncentrasaun Nalco 2000 ho be'e tratadu 0.25 ltrs/ppm. Bele hare'e Vizualizasaun buletin Nalco 2000  relasiona pargrafu ida ne'e.

Kompara valor koncentrasaun rua ita hetan ona iha leten hatudu katak produtu kimika Drewgard 4901 konsumu poupa liu Nalco 2000. 

Ezemplu kalkulasaun kuantidade dozajen 'dosis' aditivu ho tipu kimika Nalco 2000 ba'a be'e refrijerasaun motor;
Valor nitritus atual 'Vna' Motor#1 = 1000 ppm no Motor#2 = 1100 ppm. Motor rua ne'e hakarak mantein nitritus ho valor 'Vnm' = 1300 ppm. Rasio koncentrasaun Nalco 2000 ho be'e tratadu 'Rk' 0.25 ltrs/ppm.

Pergunta: 
Volume 'Vol' Nalco 2000 'litru' hira mak presiza amenta ba iha sistema refrijerasaun motor ??

Reszolve:

Vol M#1 = ('Vnm' - 'Vna1') x 'Rk" 
Vol M#1= 300 ppm x 0.25 (ltrs/ppm) = 75 ltrs 

Vol M#2 = ('Vnm' - 'Vna2') x 'Rk'
Vol M#2= 200 ppm x 0.25 (ltrs/ppm) =  50 ltrs 


To'o ba ne'e esplikasaun badak. Konteudu seluk tan relasiona ho artikel ida ne'e bele hare'e iha pajina Kualidade~Be'e 

Reff:

• http://www.eclubes.com.au/products/download/21/nalco-2000-product-bulletin.pdf
• Bening